Tá Cló Beo, scéim idirghníomhach le scríbhneoireacht chruthaitheach sa Ghaeilge a spreagadh i measc scoláirí na hidirbhliana, á reáchtáil ag Comhar na Múinteoirí Gaeilge i gcomhar leis an tSeirbhís Tacaíochta Dara Leibhéal don Ghaeilge agus le hIonad Oideachais na Carraige Duibhe i mbliana.
Is scéim í seo a thabharfaidh deis do scoláirí a gcuid scileanna scríbhneoireachta agus ríomhaireachta a fhorbairt agus beidh siad in ann a gcuid oibre a roinnt le scoileanna eile agus leis an bpobal, beo ar an idirlíon!